ԱՄՆ նախագահի՝ ԴԱԻՇ ահաբեկչական խմբավորման դեմ պայքարում այլ երկրենրի հետ փոխգործակցության հարցերով հատուկ ներկայացուցիչ Բրեթ ՄակԳրուքը հայտարարել է, որ Սիրիայի Ռաքքա քաղաքի ազատագրման ժամանակ շուրջ 6 հազար ահաբեկիչ է ոչնչացվել: Բացի այդ, բազմաթիվ ահաբեկիչներ հանձնվել են կոալիցիոն ուժերին և աշխարհազորայիններին՝ վայր դնելով զենքը, ինչը թույլ է տալիս վստահորեն հայտարարել Ռաքքայում ԴԱԻՇ-ի տապալման մասին:
ՄակԳրուքը նաև հայտարարել է, որ այժմ ԱՄՆ-ը նախաձեռնում է սկսել ավերված քաղաքի վերականգնումը: