Ամերիկյան CNN հեռուստաալիքը ներկայացրել է ԴԱԻՇ ահաբեկիչներից ազատագրված սիրիական Ռաքքա քաղաքի ավերակները՝ տեսանկարահանված անօդաչու սարքով: Տեսանյութում 100-ավոր ավերված տներ ու քարուքանդ եղած փողոցներ են: Դրվագներից մեկում երևում է Սիրիայի դեմոկրատական ուժերի զինվորական մեքենան, որ շարժվում է դեպի Ռայ հրապարակ, որտեղ ահաբեկիչները հրապարակայնորեն գլխատել ու խաչել են մարդկանց: Երևում են նաև մարզադաշտը, որտեղ տեղակայված է եղել ահաբեկիչների գլխավոր բազաներից մեկը, և հիվանդանոցը, որտեղ ահաբեկիչները մարդկանց են պահել՝ որպես կենդանի վահան:
Հիշեցնենք, որ Ռաքքան վերջնականապես ազատագրվել է երեկ՝ ԱՄՆ հովանավորությամբ գործող Սիրիայի դեմոկրատական ուժերի կողմից: