Wikileaks-ի հիմնադիր Ջուլիան Ասանժը 20 հազար եվրո է խոստացել «պանամական փաստաթղթերը» հետաքննող մալթացի լրագրող Դաֆնե Կարուանա Գալիցիայի սպանության մասին տեղեկատվության համար, որը կօգնի բացահայտել սպանության պատվիրատուներին:
«Ես վրդովված եմ հետաքննող լրագրող, բլոգեր Դաֆնի Կարուանա Գալիցիայի մահով: Ես 20 հազար եվրոյի չափով մրցանակ եմ հայտարարում այն տեղեկատվության համար, որը կօգնի գտնել սպանության մեղավորներին»,- Twitter-ի իր էջում գրել է Wikileaks-ի հիմնադիրը:
Ավելի վաղ հայտնի է դարձել, որ Մալթայում մեքենայի պայթյունի հետևանքով զոհվել է լրագրող Դաֆնե Կարուանա Գալիցիան, ով «պանամական փաստաթղթերի» հիման վրա հայտարարել էր, որ իր երկրի վարչապետի կինն օֆշորային ընկերություն ունի, որի միջոցով Ադրբեջանի իշխանություններից գումարներ է ստացել: