ԱՄՆ-ն արդեն այս ամիս ծրագրում է ազատագրել Ռաքքա քաղաքը, բայց քաղաքն ազատագրելուց հետո Վաշինգթոնը երկարատև ծրագիր չունի Սիրիայում: Այս մասին հայտնում է NBC հեռուստաալիքը՝ հղում անելով քաղաքական աղբյուրներին:
Նշվում է, որ ԱՄՆ նախագահի վարչակազմը մտավախություններ ունի, որ պատերազմի ավարտից հետո Սիրիան կհայտնվի այլ պետությունների ազդեցության գոտում:
Հաղորդվում է նաև, որ պահպանողական հայացքներ ունեցող քաղաքական որոշ գործիչներ, օրինակ՝ ՄԱԿ-ում ԱՄՆ դեսպան Նիքի Հեյլին, քննարկման են դնում ծրագրեր, որոնք ենթադրում են Սիրիայում Բաշար Ասադի ռեժիմի տապալում: