ԴԱԻՇ ահաբեկչական խմբավորման գրոհայինները Մախաչկալայում հուլիսի 6-ին ահաբեկչություն էին նախապատրաստել Ֆիլիպ Կիրկորովի համերգի ժամանակ:
Ահաբեկչության փորձն անհայտ պատճառներով ձախողվել է: Այս մասին հայտնում է RBK-ն՝ հղում անելով Անվտանգության դաշնային ծառայությանը:
Գործակալության տեղեկություններով՝ գրոհայինները պատրաստվել են հարձակում գործել 3 դիպուկահար հրացանով: Այդ օրը խմբավորման բջջի ղեկավարը գրոհայիններին առաջարկել է մեկնել քաղաքային այգի և ոստիկանության աշխատակիցներից հրազենային զենքեր խլել:
Խմբավորման մասնակիցներն իրենց հետ պայուսակով դանակներ և կացիններ են վերցրել, սակայն ոստիկանների վրա հարձակում գործել նրանց չի հաջողվել, քանի որ այգում մեծ թվով մարդիկ են գտնվել: