ԽՍՀՄ ժողովրդական արտիստ, հայտնի դերասան Արմեն Ջիգարխանյանին հոսպիտալացրել են: Այս մասին հայտնում է «Կոմսոմոլսկայա պրավդա»-ն: Նրա քրոջ՝ Մարինա Ջիգարխանյանի խոսքով, դերասանն առողջական մի շարք խնդիրներ ունի:
«Սկզբում շտապօգնություն եկավ, օգնություն ցույց տվեց. արյան մեջ շաքարի մակարդակն էր բարձրացել: Դրանից հետո եղբորս կրկին թատրոն տարան: Իսկ հետո նորից վատացավ ու արդեն հիվանդանոց տեղափոխեցին»,- ասել է Մարինա Ջիգարխանյանը:
Բացի այդ, նա արձագանքել է Ջիգարխանյանի կնոջ մասին
տարածված տեղեկություններին: Ենթադրաբար, դերասանը կնոջը մեղադրել է իրեն կողոպտելու փորձերի համար:
«Վիտալինան լավ մարդ է, նա ոչինչ չի գողացել: Եղբայրս ողջ է միայն նրա աղոթքներով: Նրանց միջև վիճաբանություն չի եղել»,- ասել է Մարինա Ջիգարխանյանը: