Լրագրողների հետ է հանդիպել «Երկիր ծիրանի» կուսակցությունն՝ ամփոփելով ընդվզման քարոզարշավն ու ապագա գործողությունները. «Մենք ունենք մեր ծրագիրն ու սկզբունքները: Այս պահի դրությամբ քաղաքական դաշտում գործընկերներ չունենք: Եթե կան մարդիկ, ովքեր կիսում են մեր սկզբունքները, գաղափարախոսությունը և ծրագիրը, կարող ենք համագործակցել ու կինչև տարեվերջ իրականացնել համահայկական ընդվզման ծրագիրը: ՀՀԿ-ն, այլ կուսակցություններ 25 տարիների ընթացքում այնպիսի վարքագիծ են դրսևորել, որ չպետք է լինեն քաղաքական դաշտում»,- ասել է Զարուհի Փոստանջյանը:
Վերջինն անդրադարձել է նաև Երևանի ավագանու աղմկահարույց նիստին, որի ժամանակ ՀՀԿ խմբակցության անդամ Լևոն Իգիթյանը վիրավորել էր Փոստանջյանի գործընկերուհուն. «Իրավապահներն իրենք պետք է անդրադառնան խնդրին ու քրեական գործ հարուցեն, կանչել պատասխանատվության մեղավորներին, որովհետև մենք չէինք գտնվում որևէ մեկի սեփական տարածքում ու մասնավոր զրույց չէր: Հանրային կարգերին կոպիտ վնաս է պատճառվել ու գնահատականի տիրույթն իրավապահներինն է: Կսպասենք, տեսնենք՝ ինչպես են արձագանքելու, քանի որ խուլիգանություն է տեղի ունեցել, որը քրեորեն հետապնդելի արարք է»: