Իրադարձություններ

     «Երկիր ծիրանի» կուսակցության նախագահ Զարուհի Փոստանջյանը հանդես է եկել հայկական վերնախավում տիրող բարքերի մասին հայտարարությամբ:
     Ի թիվ այլ հարցերի՝ Փոստանջյանն անդրադարձել է նաև Երևանի ավագանու նիստում տեղի ունեցած աղմկահարույց միջադեպին ու մի շարք գործիչների՝ Երևանի պատվավոր քաղաքացու կոչում ստանալու իրադարձությանը: «Ինչ տեսանք՝ արվեստի և մշակույթի գործիչներ, ովքեր պատրաստ են Սերժ Սարգսյանի կեղտոտ և արյունոտ ձեռքերից վերցնել մեդալներ և շքանշաններ: Պատրաստ են դիմել որբի հացն ուտող և Երևանը քանդող Տարոն Մարգարյանին և խնդրել, որպեսզի իրենց նվիրի որբերի և աղքատների համար նախատեսված սոցիալական բնակարան: Ինչու են արվեստ և մշակույթ ներկայացնող մարդիկ` բալետ պարող, դերասան, երգիչ, հաղորդավար, ռեժիսոր, գրող և նրանց միացած գործարար ակնկալում ստանալ պարգևներ, կոչումներ և բնակարան այս կեղտոտված, բարոյազուրկ և դավաճան անձանցից: Կարծում ենք՝ պատասխանը պարզ է, նրանք էլ են երազում դառնալ դավաճան նախագահ, կոռումպացված և ավազակ վարչապետ, թալանչի նախարար, որբի հացը գողացող և հոր սպանությունն ուրացող քաղաքապետ»,- ասել է նա: