Մշակվում է ՌԴ նախագահ Վլադիմիր Պուտինի այցն Իրան: Այս մասին հայտարարել է Պուտինի օգնական Յուրի Ուշակովը, փոխանցում է RIA Novosti-ն: Նրա խոսքով՝ այցի ընթացքում Պուտինը կմասնակցի Կասպիական տարածաշրջանի առաջատար պետությունների առաջնորդների եռակողմ հանդիպմանը:
«Նախատեսվում է եռակողմ՝ Ռուսաստան-Իրան-Ադրբեջան հանդիպումը»,- ասել է Ուշակովը: Նա նաև հայտնել է, որ այցը կկայանա մինչև տարեվերջ:
Նշենք, որ վերջին անգամ Ռուսաստանի, Ադրբեջանի և Իրանի նախագահներ Վլադիմիր Պուտինը, Իլհամ Ալիևն ու Հասան Ռոհանին հանդիպել էին 2016թ. օգոստոսի 8-ին, Բաքվում: