Ամերիկյան The Wall Street Journal-ի լրագրող Այլա Ալբայրաքը Թուրքիայում 2 տարի 1 ամիս ազատազրկման է դատապարտվել: Նա մեղադրվում է Թուրքիայում ահաբեկչական խմբավորում համարվող Քրդստանի աշխատավորական կուսակցությանն աջակցելու համար:
Թուրքական դատարանը դատավճիռը կայացրել է հեռակա կարգով, քանի որ լրագրողն այժմ գտնվում է ԱՄՆ-ում: Նա մտադիր է բողոքարկել դատարանի վճիռը:
Ամերիկյան լրատվականի գլխավոր խմբագիր Ջերարդ Բեյքերը մեղադրանքն անհիմն է համարել, իսկ դատավճիռը՝ չափազանց խիստ:
Լրագրողին հետապնդել սկսել են 2015թ. օգոստոսից, երբ նա հոդված է հրապարակել Թուրքիայի անվտանգության ծառայությունների և Աշխատավորական կուսակցության միջև առկա կոնֆլիկտի մասին: