Ինչ անակնկալ են մատուցելու Արամեի կինն ու աղջիկը նրա ծննդյան տարեդարձին
17:10, երեքշաբթի, 10 հոկտեմբերի, 2017 թ.
Արամեն այսօր նշում է ծննդյան 35-ամյակը: Հոբելյանական տարեդարձը երգիչը նշում է ընտանիքից հեռու՝ աշխատանքային մթնոլորտում: Այս օրերին նա համերգային ծրագրերով գտնվում է Ռուսաստանում: Արամեի ծննդյան օրվա առթիվ MAMUL.am լրատվականի թղթակիցը զրուցել է երգչի կնոջ՝ Աննա Թովմասյանի հետ: Վերջինի խոսքով՝ հաճախ է լինում, երբ Արամեն այս օրը երկրում չի լինում, բայց ընտանիքն արդեն սովորել է այդ բացակայություններին: Ի դեպ այս տարի առաջին անգամն է, երբ Աննան Արամեին սպասում է ոչ թե միայնակ, այլ իրենց դստեր՝ Աննա Մարիայի հետ: «Այսօր որոշել եմ աղջկաս հետ միասին գնալ հայրիկին նվեր գնելու: Փաստը, որ մենակ չեմ գնալու, շատ հետաքրքիր զգացողություն է: Ուզում եմ, որ ինքն էլ մասնակից լինի այդ ամենին»: Ինչ անակնկալ են մատուցելու Արամեի կինն ու աղջիկը նրա ծննդյան տարեդարձին Աննան նշեց, որ թեև Արամեն ներկա չի լինի, բայց իրենք այսօր կնշեն նրա ծննդյան տարեդարձը: «Այսօր նշելու ենք մեր ընկերներով, հարազատներով: Վաղը նա արդեն քաղաքում կլինի և միասին կշարունակենք: Ծննդյան տարեդարձերը սիրում ենք նշել և ընտանեկան, և ընկերական մթնոլորտում: Եթե ընտանեկան է լինում, բնականաբար, մեր ամենամոտ ընկերներն էլ են լինում»: Զրույցի վերջում Աննան իր և փոքրիկի կղմից բարեմաղթանքները հղեց երգչին: «Ուզում եմ շնորհավորել հիանալի ամուսնու, կրկնակի հիանալի հայրիկի ծննդյան տոնը: Ամենակարևորը, որ նա առողջ լինի: Այս բոլոր շրջագայությունները թողնում են իրենց ազդեցությունը, այս երեք օրվա ընթացքում նա երևի 5 ժամ չի քնել: Քաջ առողջություն ենք մաղթում, ուզում ենք, որ նա միշտ մեր կողքին լինի, որ մեր ընտանիքը լիարժեք լինի, միշտ երջանիկ»: Ինչ անակնկալ են մատուցելու Արամեի կինն ու աղջիկը նրա ծննդյան տարեդարձին Ինչ անակնկալ են մատուցելու Արամեի կինն ու աղջիկը նրա ծննդյան տարեդարձին |
11999 | 0