«Անօդաչու» մեքենաները մարդկանցից կխլեն վարելու իրավունքը: Այս սենսացիոն ենթադրությունն արել է Energi Mine ընկերության փորձագետ Ռահիմ Օմարը: Մասնագետի կարծիքով՝ առաջիկա 25 տարվա ընթացքում մարդկությունը պետք է օրենք ընդունի, որն արգելում է մեքենա վարել՝ իրավունքը վստահելով արհեստական ինտելեկտին, հաղորդում է բրիտանական Mirror պարբերականը:
Փորձագետը Մեծ Բրիտանիայի կառավարությանը կոչ է արել որքան հնարավոր է արագ սահմանել այդ օրինագիծը:
Նրա կարծիքով՝ նման միջոցների կիրառումը կպահպանի հազարավոր մարդկանց կյանքը: Ավելի վաղ այդ արգելքին կողմ էին արտահայտվել Նոր Հարավային Ուելսի համալսարանի պրոֆեսոր Թոբի Ուոլշն ու SpaceX և Tesla ընկերությունների հիմնադիր Իլոն Մասքը: