Սոցցանցերում տեսանյութ է հրապարակվել, որում երևում է, թե ինչպես է Թուրքիայի նախագահ Ռեջեփ Էրդողանը քնում Ուկրաինայի նախագահ Պետրո Պորոշենկոյի հետ համատեղ մամուլի ասուլիսի ժամանակ: Կադրերը Twitter-ի իր էջում հրապարակել է Sputnik Türkiye գործակալությունը:
Էրդողանը, ով երկուշաբթի օրը պաշտոնական այցով գտնվում էր Կիևում, Պորոշենկոյի հետ հանդիպման ժամանակ հայտարարել է, որ Անկարան նախկինի պես աջակցում է Ուկրաինայի ինքնիշխանությունն ու տարածքային ամբողջականությունն ու չի ճանաչում Ռուսաստանին Ղրիմի միացումը: