Սաուդյան Արաբիայի իրավապահները սոցցանցերի միջոցով երկրում «տարաձայնությունների հրահրման» համար ավեկի քան 40 մարդու են ձերբակալել, հաղորդում է Al Arabiya-ն:
40 ձերբակալվածից 22-ին կալանավորել են: Կալանավորվածների թվում է նաև Կատարի 1 քաղաքացի, ով մեղադրվում է այլախոհության տարածման համար:
Հեռուստաալիքի հաղորդմամբ՝ իրավապահների ուշադրությունը գրավել է համացանցում տարածվող մի տեսանյութ, որով մարդկանց հասարակական կարգի խախտմանն կոչեր էր արվում:
Վերը նշված ձերբակալություններից զատ, ևս 24 մարդ էլ ձերբակալվել է Հեյլի շրջանում՝ միջցեղային տարաձայնություններ հրահրելու մեղադրանքով:
Նշվում է, որ կասկածյալներն օգտվել են համացանցից և տեսանյութի տարածման համար հատուկ հեշթեգ են կիրառել: