Սպիտակ նեֆրիտից պատրաստված եզակի թալիսման է հայտնաբերվել Բուլղարիայում՝ Կալիաքրա հրվանդանում իրականացվող պեղումների ժամանակ, գրում է Novinite-ը: Գիտնականները ենթադրում են, որ այն պատրաստվել է Չինաստանում՝ Յուան դինաստիայի օրոք 14-րդ դարում:
Արտեֆակտն առաջինն է այս երկրում իր տեսակի մեջ: Այն գտնվել է միջնադարյան Կալիաքրա ամրոցի պեղումների ժամանակ:
Սպիտակ նեֆրիտե եզակի թալիսման է հայտնաբերվել Բուլղարիայում
Թալիսմանի վրա պատկերված է որսի տեսարան, որտեղ ոչ մեծ բազեն բռնում է վայրի սագին: Կողքին պատկերված են լոոտոսի ծաղիկներ: Ենթադրվում է, որ թալիսմանի վրա պատկերված է գարուն, ինչը խորհրդանշում է բարգավաճում ու հաջողություն:
Սպիտակ նեֆրիտե եզակի թալիսման է հայտնաբերվել Բուլղարիայում
Կայսերական նեֆրիտը բարձր է գնահատվել Չինաստանում, դրան բուժիչ հատկություններ են վերագրվել: Հնարավոր է՝ Ոսկե հորդայի ժամանակ այս թալիսմանը նվիրել են տեղի ղեկավարներին: