Շվեյցարիայի KOLLER աճուրդում փորձել են վաճառքի հանել Հովհաննես Այվազովսկու կտավներից մեկը, որը Մոսկվայի Դմիտրևյան կրեմլից գողացվել է 1976 թվականին: «Տեսարան դեպի Ռևել» (օրիգինալ անվանումը՝ «Ծով») կտավն Այվազովսկին ստեղծել է 1845 թվականին: Ինտերպոլի և շվեյցարական ոստիկանության համագործակցության արդյունքում ավելի քան 1 միլիոն նախնական արժեք ունեցող նկարը հանվել է աճուրդից: Այժմ աշխատանքներ են տարվում նկարը Ռուսաստան վերադարձնելու ուղղությամբ: