«Ֆեյսբուք»-ի հայկական տիրույթը ողողվում է Հայաստանի երկրակամարում նկատված ՉԹՕ-ի լուսանկարներով ու տեսանյութերով: Ականատեսները պնդում են, որ այսօր երեկոյան ժամը 19-ի սահմաններում երկնքում նկատել են իր առանցքի շուրջը պտտող ու եռանկյունաձև լույս արձակող ինչ-որ անբացատրելի երևույթ, որը միառժամանակ առկայծելուց հետո անհետացել է:
Հատկանշական է, որ ՉԹՕ-ն նկատել են նաև Հարավային Օսիայի Ցխինվալ քաղաքի բնակիչներն, ովքեր ևս լուսանկարել ու տեսանկարահանել են այն:
Նշենք, որ այսօր Աստրախանի շրջանի «Կապուստին Յար» զորավարժարանում իրականացվել է РС-12М «Տոպոլ» միջմայրցամաքային բալիստիկ հրթիռի փորձնական արձակում՝ մարտական լուսավորմամբ։
Հրթիռը ճշտությամբ խոցել է պայմանական նշանակետը Ղազախստանի «Սարը-Շագան» զորավարժարանում։ Շատերը պնդում են, որ հենց նրա լույսն էլ տեսել են Հայաստանի, Ռուսաստանի, Վրաստանի և տարածաշրջանի այլ երկրների բնակիչները:
