Միջազգային

     Կոսովոյի մայրաքաղաք Պրիշտինայում ընթացող ծանրամարտի պատանիների Եվրոպայի առաջնության շրջանակներում այսօր մրցահարթակ դուրս եկան 69 կգ քաշային մինչև 17 տարեկան ծանրորդները։ Այս քաշային կարգում Հայաստանը ներկայացնում էին Արմեն Գրիգորյանը և Ռաֆիկ Հարությունյանը: Արմենը, պոկելով 134 կգ և հրելով 162 կգ, երկամարտում գրանցելով 296 կգ, հռչակվեց Եվրոպայի չեմպիոն: Արծաթե մեդալի արժանացած ռումինացի ծանրորդը նույնպես գրանցեց երկամարտի 296 կգ արդյունք, սակայն պոկում վարժությունում ավելի քիչ էր բարձրացրել, քան Արմենը՝ 127 կգ, ինչի պատճառով կանգնեց պատվո պատվանդանի 2-րդ աստիճանին: Ռաֆիկը, պոկելով 135 կգ և հրելով 160 կգ, երկամարտի 295 կգ արդյունքով նվաճեց բրոնզե մեդալ: Ռաֆիկը պոկում վարժության փոքր ոսկե մեդալ նվաճեց, սակայն վնասվածք ստացավ հրում վարժության 2-րդ մոտեցման ընթացքում և չկարողացավ շարունակել պայքարը: