Հորդանան գետի արևմտյան ափին հրեական բնակավայրերից մեկում պաղեստինցին կրակ է բացել Իսրայելի անվտանգության ուժերի ուղղությամբ: Այս մասին հայտնում է սահմանային ոստիկանությունը:
Դեպքի հետևանքով 3 իսրայելցի է զոհվել, ևս մեկը վիրավոր է: Հարձակում գործած անձն սպանվել է փոխհրաձգության ընթացքում, հաղորդում է Haaretz պարբերականը:
Ոստիկանության տեղեկություններով՝ հարձակում գործած անձը փորձել է պաղեստինցի աշխատավորների հետ անցնել Հար-Ադար բնակավայր, սակայն կասկածներ է առաջացրել ոստիկանության մոտ:
«Նա հանեց զենքն ու կրակ բացեց տեղի անվտանգության ուժերի ուղղությամբ: Հարձակման հետևանքում 3 իսրայելցի սպանվեց, մեկը վիրավոր է»,- ասվում է իրավապահների հայտարարության մեջ: