Իրանը սեպտեմբերի 22-ին նոր բալիստիկ հրթիռի փորձարկում չի իրականացրել: Իրանական հեռուստաընկերության կողմից տարածած տեսագրությունը ֆեյք է: Այս մասին գրում է Fox News հեռուստաալիքը՝ հղում անելով անանուն աղբյուրներին:
ԶԼՄ-ների տեղեկություններով՝ այդ տեսագրությունն արվել է 2017թ. հունվարին, իսկ այդ ժամանակ հրթիռն անհաջող է արձակվել, մեկնարկից անմիջապես հետո այն պայթել է օդում:
Հիշեցնենք, որ սեպտեմբերի 22-ին Թեհրանը ռազմական շքերթի ընթացքում
նոր բալիստիկ հրթիռ է ներկայացրել: Khorramshahr անվամբ հրթիռի ցուցադրմանը ներկա է եղել Իրանի նախագահ Հասան Ռոհանին: Ավելի վաղ Իրանի նախագահը հայտարարել էր, որ երկիրը մտադիր է հզորացնել հրթիռային համակարգերի հնարավորութունը: «Դուր գալիս է դա, թե ոչ, մենք պետք է հզորացնենք մեր ռազմական ներուժը, դա անհրաժեշտ է զսպման նպատակով»,- ասել էր Ռոհանին: