Կոսովոյի մայրաքաղաք Պրիշտինայում մեկնարկած ծանրամարտի պատանիների Եվրոպայի առաջնության շրջանակներում այսօր մրցահարթակ դուրս եկան 69 կգ քաշային մինչև 15 տարեկան ծանրորդները։ Այս քաշային կարգում Հայաստանը ներկայացնող Գևորգ Ղահրամանյանը հռչակվեց Եվրոպայի չեմպիոն: Գևորգը, պոկելով 105 կգ և հրելով 133 կգ, երկամարտում գրանցեց 238 կգ արդյունք:
Այս քաշային կարգում արծաթե մեդալ նվաճեց Թուրքիայի ներկայացուցիչ Ռամազան Զեյդանլի՝ երկամարտի 237 կգ արդյունքով։ Բրոնզե մեդալ նվաճեց Սլովակիան ներկայացնող Սեբաստիան Սաբալասը՝ երկամարտի 235 կգ արդյունքով։