Իրադարձություններ

     Ֆինանսների նախարար Վարդան Արամյանն, այսօր ամփոփիչ ասուլիսի ընթացքում, տեղեկացրել է, որ միգրացիոն հոսքն ազդել է գործազրկության վրա: «25 000 տնտեսապես ակտիվ բնակիչներ նախորդ տարիների ընթացում լքել են երկիրը, ցուցանիշը հարաբերականորեն աճել է»,-տեղեկացրել է նա: Նրա խոսքով 2017թ.-ին տնտեսությունը վերելք է ապրել. «Ընդամենը 1 տարվա աճն իր հետ աշխատատեղեր չի բերում: Երբ որ տեղի է ունենում տնտեսական ակտիվության աճ, ո՞վ է ստեղծում այդ աճը՝ տնտեսվարող սուբյեկտներն են, որոնք դա ապահովում են ներդրումների ու թողարկման ծավալների աճի միջոցով: Հիմա նրանք, եթե ճգնաժամային իրավիճակում պարտադրված են եղել որոշակի կրճատումների գնալ, հիմա ունեն չօգտագործված պոտենցիալ: Միանգամից տեսնել, որ տնտեսական աճն իր հետևից քաշում է աշխատատեղեր, դա չի լինում»,- ասել է նա: