Թուրքիայի արտաքին գործերի նախարարությունը երկրի քաղաքացիներին խստորեն կոչ է արել լքել Իրաքի քրդական ինքնավարությունը՝ կապված անցկացվող անկախության հանրաքվեի հետ:
«Սեպտեմբերի 25-ին անցկացող հանրաքվեն կարող է անվտանգության նոր խնդիրներ և սպառնալիքներ առաջացնել Իրաքում»,- ասվում է Թուրքիայի ԱԳՆ-ի հայտարարության մեջ:
Բացի այդ, հաղորդվում է, որ Թուրքիայի կառավարությունը երկրի նախագահ Ռեջեփ Էրդողանի ղեկավարությամբ անցկացված նիստի ժամանակ հանրաքվեի անցկացման դեմ մի շարք միջոցներ է ընդունել: Թուրքական խորհրդարանը ևս մեկ տարով երկարաձգել է Իրաքում և Սիրիայում թուրքական զինված ուժերի կիրառման թույլտվությունը:
Ավելի վաղ Իրաքյան Քուրդիստանի ղեկավար Մասուդ Բարզանին հայտարարել էր, որ չնայած ճնշումներին՝ անկախության հանրաքվեի անցկացման օրը չի փոփոխվի: Բաղդադում այն անօրինական են համարում, հանրաքվեի անցկացմանը դեմ է քվեարկել խորհրդարանը: