Արմավիրի մարզպետի խորհրդական Մանուկ Սիմոնյանի սպանության գործով մեղադրյալ կնոջը՝ Ռուզաննա Մկրտչյանին, «Նուբարաշեն» հոգեբուժարանից տեղափոխել են «Աբովյան» ՔԿՀ,
այս մասին MAMUL.am-ի թղթակցի հետ զրույցում ասաց Ռուզաննա Մկրտչյանի պաշտպան Նաիրա Պետրոսյանը:
Պաշտպանի խոսքով՝ դատահոգեբուժական և դատահոգեբանական համալիր փորձաքննության պատասխանները դեռ չեն ստացել:
«Դեռ առողջական խնդիրներ ունի, այժմ սպասում ենք պատասխաններին, որից հետո քայլեր կձեռնարկենք»,- ասաց պաշտպանը:
Ավելի վաղ տեղեկացրել էինք, որ Արմավիրի մարզպետի խորհրդական Մանուկ Սիմոնյանի սպանության համար մեղադրվող կնոջ նկատմամբ նշանակվել է դատահոգեբուժական և դատահոգեբանական ստացիոնար համալիր փորձաքննություն:
Հիշեցնենք, որ նա մեղադրվում է ամուսնուն սպանելու համար: Նրան մեղադրանք է առաջադրվել ՀՀ քրեական օրենսգրքի 104-րդ հոդվածի 1-ին մասով՝ որպես խափանման միջոց ընտրելով կալանավորումը: