Ուրբաթ օրը հրաբխագետները Բալի կղզում հայտարարել էին վտանգի առավելագույն աստիճան ստրատոհրաբխի հնարավոր ժայթքման պատճառով: Ըստ հրաբխային ժայթքման ցուցանիշների՝ կղզու տարածքում աճում է սեյսմիկ ակտիվությունը:
Իշխանություններն այսօր որոշում են կայացրել տարհանել հրաբխի հարևանությամբ գտնվող գյուղերի հազարավոր բնակիչների և տրամադրել ժամանակավոր կացարաններ, որոնք տեղակայված են սպորտային կենտրոններում:
Վերջին հրաբխային ժայթքումը դիտվել է 1963-1964թթ.: Այդ ժամանակ մոխրի, ցեխալավայի և հրաբխային գազերի պատճառով մահացել է շուրջ 1500 մարդ: