ԱՄՆ նախագահ Դոնալդ Թրամփն Ալաբամայում ելույթի ժամանակ հայտարարել է, որ պետք է լուծի Հյուսիսային Կորեայի առաջնորդ Կիմ Չեն Ինի հարցերը:
Նա վերջինիս «հրթիռ ունեցող գաճաճ» է անվանել: Այս մասին հայտնում է The Hill պարբերականը: ԱՄՆ նախագահը հավելել է, որ ԿԺԴՀ-ի դեմ պետք է միջոցներ ձեռնարկեին ԱՄՆ-ի նախորդ նախագահները:
«Հրթիռ-մարդու հարցերը պետք է վաղուց լուծված լինեին: Մենք չենք կարող թույլ տալ, որպեսզի ամեն մի խելագար այս ու այն կողմ հրթիռներ արձակի»,- ասել է Թրամփը: Նա նշել է, որ այդ հարցը պետք է լուծեին Քլինթոնը կամ Օբաման:
Ավելի վաղ ԱՄՆ նախագահ Դոնալդ Թրամփը Կիմ Չեն Ինին «խելագար» էր անվանել և «աննախադեպ փորձություններ» խոստացել նրան: