Android օպերացիոն համակարգով աշխատող բջջային սարքերի վրա նոր վիրուս է հայտնաբերվել, որը բանկային տվյալներ է գողանում: Այս մասին հայտնում է «Կասպերսկու լաբորատորիան»:
Trojan Svpeng-ը տարածվում է Flash Player-ի տեսքով: Ամենամեծ վտանգը, որը ներկայացնում է վնասակար ծրագիրը, բանկային հավելվածների օգտագործման ժամանակ սքրինշոթի ինքնուրույն ստեղծումն է, որից հետո այդ տվյալները հայտնվում են հանցագործների մոտ:
«Կասպերսկու լաբորատորիայի» մասնագետները նշում են, որ վիրուսի դեմ դժվար է պայքարել, քանի որ վնասակար ծրագիրն արգելափակում է դրա արտոնություններն անջատելու ցանկացած փորձ: