ՀՀ նախագահ Սերժ Սարգսյանի հրամանագրով՝ Հայաստանի Հանրապետության անկախության 26-րդ տարեդարձի կապակցությամբ` մի շարք մարզիկներ արժանացել են Հայաստանի Հանրապետության բարձրագույն պարգևների։
Ֆիզիկական կուլտուրայի և սպորտի զարգացման գործում ներդրած նշանակալի ավանդի, ինչպես նաև 2017 թվականի աշխարհի առաջնությանը տարած փայլուն հաղթանակի համար հունահռոմեական ոճի ըմբշամարտի հավաքականի անդամ Մաքսիմ Մանուկյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով: Ֆիզիկական կուլտուրայի և սպորտի զարգացման գործում ներդրած նշանակալի ավանդի համար 2017 թվականի Ունիվերսիադայի կրկնակի չեմպիոն մարմնամարզիկ Արթուր Թովմասյանը պարգևատրել է «Հայրենիքին մատուցած ծառայությունների համար» 1-ին աստիճանի մեդալով, իսկ չեմպիոններ ծանրորդներ Գոռ Մինասյանը և Սիմոն Մարտիրոսյանը պարգևատրվել են «Հայրենիքին մատուցած ծառայությունների համար» 2-րդ աստիճանի մեդալներով։