«Եռաբլուր» պանթեոնում, լրագրողների հետ ճեպազրույցում, պատասխանելով ռուսաց լեզվի դասավանդման
հայեցակարգ մշակելու վերաբերյալ հանձնարարականին, Կարեն Կարապետյանն ասաց, որ ինքը նման հանձնարարական չի տվել: «Բոլորի տոնը շնորհավոր... ռուսաց լեզվի վերաբերյալ հանձնարարական չի եղել»,- նշեց վարչապետը:
Դիտարկմանը՝ հայեցակարգում
գրված է, որ վարչապետի հանձնարարականով է արվում, հավելեց. «Պարզ ձևակերպեցի, որ նման հանձնարարական չի եղել... Եվ հետո, այսօր տոն է, շնորհավոր ձեր տոնը»:
Արձագանքելով կառավարության ղեկավարի ճեպազրույցին՝ ակտիվիստ Դավիթ Սանասարյանը գրել է. «Էս կառավարությունում շունը տիրոջը չի ճանաչում: Հայեցակարգի մեջ ասում են՝ վարչապետի հանձնարարականով, վարչապետն ասում է՝ ես նման հանձնարարական չեմ տվել: Կարո՞ղ է ՌԴ վարչապետին ի նկատի ունեն»: