Ադրբեջանի մայրաքաղաք Բաքուն կընդունի 2018/19 մրցաշրջանի Եվրոպայի լիգայի եզրափակիչ հանդիպումն, իսկ Ստամբուլն՝ ՈՒԵՖԱ-ի սուպերգավաթի հանդիպումը։ Այս մասին հայտնում է ՈՒԵՖԱ-ի պաշտոնական կայքը։ Չեմպիոնների լիգայի եզրափակիչ հանդիպումը կընդունի Մադրիդը։ Այսպիսով, Եվրոպայի լիգայի եզրափակիչը կկայանա Բաքվի «Օլիմպիական» մարզադաշտում, սուպերգավաթինը՝ Ստամբուլի «Բեշիքթաշ» մարզադաշտում, իսկ Չեմպիոնների լիգայի եզրափակիչը՝ Մադրիդի «Աթլետիկո»-ի նորաբաց «Վանդա Մետրոպոլիտանո» մարզադաշտում։