Համաշխարհային ֆուտբոլի աստղերը Վրաստանի մայրաքաղաք Թբիլիսիում բարեգործական հանդիպում կանցկացնեն՝ հրդեհից տուժած Բորժոմիի անտառը վերականգնելու համար գումար հավաքելու նպատակով։
«Հանդիպումից ստացված ողջ գումարը կուղղվի օգոստոսին հրդեհից տուժած Բորժոմիի անտառի վերականգնմանը»,- նշել է Վրաստանի ֆուտբոլի ֆեդերացիան։
Արդեն հայտնի է, որ հանդիպմանը մասնակցելու ցանկություն են հայտնել Ֆրանչեսկո Տոտին, Կարլես Պույոլը, Ռիվալդոն, Անդրեյ Շևչենկոն, Պաոլո Մալդինին և այլ աստղեր։ Հանդիպումը կկայանա սեպտեմբերի 29-ին՝ Թբիլիսիի «Դինամո արենա» մարզադաշտում։