Հետաքրքիր է

Դամասկոսյան մշակույթը հնագույն ժամանակներից հռչակված է իր խիստ նրբաճաշակությամբ՝ արտահայտված մուգ ֆոնի վրա ոսկե և արծաթե նախշերի համադրությամբ: Դրանց գեղեցկությունը հիացմունք է պատճառում մինչ օրս: Այդ արվեստի բարձակարգ նմուշներից են զորահանդեսային մետաղական ձեռնոցները, որ ներառված են զենքուզրահի իսպանական հավաքածուի մեջ: Դրանք մեզ են հասել 17-րդ դարից: Պատրաստված են մետաղից, զարդարված ձիթենու տերևների և պսակների նախշերով, ինչպես նաև՝ ռազմական տարատեսակ խորհրդանիշերի՝ զենքի ու ավարի պատկերներով:

Այդ հոյակապ նախշերն արված են ոսկով ու արծաթով՝ հատուկ տեխնոլոգիայի կիրառմամբ: Սակայն այս ձեռնոցները մարտական զրահի մաս չեն եղել, այլ տոնական, արարողակարգային նշանակություն են ունեցել:

Զարմանալի կերպով պահպանվել է նաև դրանց գեղեցիկ մուգ կարմիր աստառը՝ մետաքսե թավշից՝ կարված ոսկյա և արծաթյա թելերով:

     Ենթադրվում է, որ այս աքսեսուարը մեկն է տոնական զրահների 3 հավաքածուներից, որ պատվիրել է Իսպանիայի թագավոր Ֆիլիպ 3-րդն՝ իր երեխաների համար, մոտավորապես 1614 թվականին:
     Դամասկոսյան մշակույթի լավագույն ավանդույթներով ստեղծված և մեր օրերում տարբեր թանգարանների զարդը համարվող մյուս ձեռնոցներն՝ ստորև:pic:84531]