Իրանի իսլամական հեղափոխության պահակախմբի կորպուսի ռազմատիեզերական ուժերի հրամանատար Ամիր Ալի Հաջիզադեն հայտարարել է, որ Իրանն ունի սեփական արտադրության 10 տոննա կշռող ռումբ, որը համարվում է «բոլոր ռումբերի հայրը», փոխանցում է Press TV-ն: «Ռազմատիեզերական ուժերի հրամանով պաշտպանական արտադրության կազմակերպությունը 10 տոննա կշռող ռումբ է ստեղծել»,- հայտարարել է Հաջիզադեն: Նրա խոսքով՝ ռումբը կործանիչ հատուկություն ունի, այն գերազանցում է ԱՄՆ-ի գերհզոր ոչ միջուկային ռումբին, որը համարվում է «բոլոր ռումբերի մայրը»: