ԱՄՆ-ը Հյուսիսային Կորեայի դեմ պայքարի ռազմական տարբերակ ունի, բայց այն գերադասելի չէ, Սպիտակ տանը կայացած ճեպազրույցի ժամանակ հայտարարել է ԱՄՆ նախագահի՝ ազգային անվտանգության հարցերով խորհրդական Հերբերթ ՄաքՄասթերը, փոխանցում է Reuters-ը:
Նրա խոսքով՝ Միացյալ Նահանգները Հյուսիսային Կորեայի միջուկային և հրթիռային ծրագրերի շուրջ դիվանագիտական լուծումներ գտնելու հարցում կորցնում է իր համբերությունը:
ՄԱԿ-ում ԱՄՆ դեսպան Նիքի Հեյլին, կրկնելով ՄաքՄասթերի խոսքերը, նշել է, որ չնայած կա հարցի ռազմական լուծման տարբերակ, բայց գերադասելին դիվանագիտական ճանապարհն ու պատժամիջոցներն են: