Միջազգային

«Թալիմ» հզոր թայֆունը, որն ստացել է ընթացիկ սեզոնում 18-րդ համարը, մոտենում է ճապոնական Օկինավա կղզու հարավային ափերին՝ իր հետ բերելով փոթորկային քամի և հորդառատ անձրևներ: Ճապոնիայի գլխավոր օդերևութաբանական գործակալության տվյալներով՝ ցիկլոնի կենտրոնում ճնշումը կազմում է 925 հեկտոպասկալ: Թայֆունի կենտրոնում քամու արագությունը հավասար է վայրկյանում 50 մետրի: Օդերևութաբանները կանխատեսում են, որ թայֆունը երկար ժամանակ կմնա: Մասնագետները բնակիչներին կոչ են արել զերծ մնալ ծով դուրս գալուց: