Ղազախստանի մայրաքաղաք Աստանայում մեկնարկել է սիրիական ճգնաժամի կարգավորման հարցով բանակցությունների 6-րդ փուլը: Բանակցությունների գլխավոր թեման Իդլիբում ապաէսկալացիայի 4-րդ գոտի ստեղծելն ու արդեն գործող գոտիներում հրադադարի ռեժիմի ամրապնդումն է: Հանդիպումն ընթանում է փակ ռեժիմով: Հայտնի է, որ սկզբում երկկողմ ձևաչափով հանդիպումներ կանցկացվեն, ապա բանակցություններին կմիանան ՄԱԿ-ի ներկայացուցիչները:
Սիրիայում հրադադարի երաշխավոր երկրների (Ռուսաստան, Իրան, Թուրքիա) աշխատանքային խմբերն արդեն սկսել են նիստը: Նիստին կմասնակցեն նաև պաշտոնական Դամասկոսի և սիրիական ընդդիմության պատվիրակությունները, ինչպես նաև ՄԱԿ-ի հատուկ հանձնակատար Ստեֆան դե Միստուրան: Բանակցությունների արդյունքում համատեղ հայտարարություն կընդունվի: