Հնդկաստանի Մումբայ քաղաքում շենքի փլուզումից առնվազն 33 մարդ է զոհվել, փոխանցում է Reuters-ը: Փրկարարները շարունակում են տուժածների մարմինները հանել շենքի փլատակների տակից: Իրավապահների տեղեկություններով՝ հաջողվել է փրկել 46 մարդու: Տուժածներից 13-ը լուրջ վնասվածքներ է ստացել: Հաղորդվում է նաև, որ որոնողափրկարարական աշխատանքների ընթացքում արտակարգ իրավիճակների 4 աշխատակից է տուժել: Ոստիկանության խոսքով՝ շենքը վթարային է 2011 թվականից: