Եմենի մայրաքաղաք Սանայում արաբական կոալիցիայի ռազմական ինքնաթիռի ավիահարվածների արդյունքում 5 քաղաքացիական անձ և 2 զինվորական է զոհվել: Այս մասին հայտնել են ականատեսները, գրում է Reuters գործակալությունը: Հաղորդվում է, որ ավիահարվածը հասցվել է Սանայից 10 կմ հեռավորության վրա գտնվող Մասայիդ թաղամասում: Դեռևս կոալիցիայի ներկայացուցիչները որևէ մեկնաբանություն չեն արել դեպքի առնչությամբ: Նշենք, որ Սանան և Եմենի հյուսիսային հատվածի մեծ մասը վերահսկում են ապստամբները: Սաուդյան Արաբիայի գլխավորությամբ կոալիցիան միջամտում է պատերազմին 2015թ. մարտից: Ռազմական գործողությունների ընթացքում Եմենում զոհվել է ավելի քան 10 հազար մարդ, երկրում սով և հիվանդություններ են տարածվել: