ԱՄՆ Տեխաս նահանգում մոլեգնած Հարվի փոթորկի զոհերի թիվը հասել է 8-ի, շուրջ 30 մարդ համարվում է անհետ կորած, հայտնում է РБК-ն:
Հիշեցնենք, որ ավելի վաղ հաղորդվում էր 3 զոհի մասին:
Նշվում է, որ քամու արագությունը փոթորկի ներսում հասել է 215 կմ/ժ-ի: Ըստ նախնական տվյալների՝ նյութական վնասը փոթորկից կազմել է 40 միլիարդ դոլար: Նախագահ Դոնալդ Թրամփը Տեխաս նահանգում աղետի ռեժիմ է հայտարարել:
Նահանգի 300 հազար բնակիչ առանց էլեկտրականության է մնացել: Խնդիրներ են առաջացել բջջային կապի հետ, ավերվել են մի շարք տներ: