Իրաքյան բանակը լրիվ վերահսկողություն է սահմանել ԴԱԻՇ-ի կողմից գրավված Թալ-Աֆար քաղաքում: Այս մասին այսօր հայտնել է Sky News Arabia հեռուստաալիքը: Իրաքյան բանակը շաբաթ օրն առավոտյան ազատագրել է քաղաքում տեղակայված XVI դարի օսմանական ամրոցը՝ բարձրացնելով իրաքյան դրոշը: Նշվում է, որ այդ քաղաքի գրավումը թույլ կտա ընդհատել գրոհայինների մատակարարման աղբյուրը: Թալ-Աֆար քաղաքի ազատագրման օպերացիան սկսվել էր օգոստոսի 20-ից: