Գերմանիայի արտաքին գործերի նախար Զիգմար Գաբրիելը հայտարարել է, որ Թուրքիան չի դառնա Եվրոմիության անդամ Թուրքիայի նախագահ Ռեջեփ Էրդողանի ղեկավարության օրոք, փոխանցում է РИА Новости-ն՝ հղում անելով գերմանական Bild թերթին: «Դա չի նշանակում, որ մենք դա չենք ցանկանում, սակայն Էրդողանի կառավարությունը Եվրոպային հակառակ ուղով է ընթանում: Բացարձակ ակնհայտ է, որ Թուրքիան ներկայիս կարգավիճակով չի դառնա Եվրոմիության անդամ»,- ասել է Զիգմար Գաբրիելը:
Ավելի վաղ Էրդողանը, կոչ անելով չքվեարկել Գերմանիայի կանցլեր Անգելա Մերկելի կողմնակից կուսակցությունների օգտին, հայտարարել էր, որ դրանք Թուրքիայի թշնամիներն են: Զիգմար Գաբրիելը նրա հայտարարությունը միջամտություն և սուվերենության խախտում էր անվանել: Իր հերթին, Էրդողանը Զիգմար Գաբրիելին խորհուրդ էր տվել «ճանաչել իր տեղը»: