Իրադարձություններ

     Արդեն 2 ժամից ավելի է` Արտակարգ իրավիճակների նախարարության Փրկարար ծառայության մի քանի հրշեջ մարտական հաշվարկներ «Վեոլիա Ջուր» ընկերության ներկայացուցիչների հետ փորձում են հանգցնել Հրազդանի կիրճում գտնվող բարձր լարման հոսանքի ենթակայանում առաջացած խոշոր հրդեհը։ Ինչպես հայտնում է Shamshyan.com-ը, հրշեջները, ովքեր ժամանել են 4 մարտական հաշվարկով, «Վեոլիա Ջուր» ընկերության ներկայացուցիչների և ենթակայանում անվտանգության աշխատանքներ կատարող ներկայացուցիչների հետ վտանգելով իրենց կյանքը, անում են անհնարինը, որպեսզի կրակը շուտ մարեն։ Հոսանքը ժամանակավորապես դադարեցվել է, և այս պահին կրակի տարածումը կանխվել է։ Ձեռնարկվում են արդեն անհրաժեշտ գործողություններ՝ այն ամբողջովին մարելու ուղղությամբ։ Թե ինչն է եղել հրդեհի պատճառը, պարզ կլինի մի շարք փորձաքննություններ անելուց հետո։