Միջազգային

Փաուերլիֆթինգի աշխարհի չեմպիոն Անդրեյ Դրաչովին սպանած ադրբեջանցուն ցմահ ազատազրկում է սպառնում: Այս մասին հայտնել է ՌԴ ՔԿ Խաբարովսկի երկրամասի վարչությունը: «Խաբարովսկի երկրամասի ՌԴ ՔԿ վարչության կողմից 1985թ. ծնված տղամարդուն մահացու վնասվածքներ հասցրած 1992թ. ծնված տղամարդու գործողությունները վերաորակավորվել են ՌԴ ՔՕ 111-րդ (առողջությանը կանխամտածված ծանր վնաս հասցնելը, որն անզգուշությամբ հանգեցրել է տուժածի մահվան) հոդվածով»,- ասվում է ՔԿ-ի հայտարարության մեջ: Նշվում է, որ ավելի վաղ չարագործի գործողությունները որակվել էին որպես ծանր հանցանք, և նրան 15 տարվա ազատազրկում էր սպառնում: Սակայն հաշվի առնելով դեպքի նոր հանգամանքները, որոնք հաստատվել են քննության ընթացքում, չարագործի գործողությունները վերաորակավորվել են: Նախնական տեղեկություններով՝ չեմպիոնի մահվան պատճառ է դարձել գլխուղեղային վնասվածքը: Նա զբաղվում էր պրոֆեսիոնալ սպորտով, փաուերլիֆթինգի Եվրոպայի և աշխարհի չեմպիոն էր:
     Ավելի վաղ ադրբեջանցու դեմ հետախուզում էին հայտարարել: Վերջինն Ամուրսկի բնակիչ Անար Ալլահվերանովն է: Ռուսական լրատվամիջոցների տեղեկություններով ՝ վիճաբանությունը տեղի է ունեցել կասկածյալին վիրավորանք հասցնելու պատճառով: