Երեկ երեկոյան նավթը կտրուկ աճել է ԱՄՆ-ի էներգետիկայի նախարարության կողմից երկրում վառելիքի պաշարների մասին տարածած տվյալներից հետո: Brent տեսակի նավթի գներն աճել են 3%-ով, իսկ ամերիկյան WTI-ն՝ 2,9-ով: Լոնդոնի ICE Futures բորսայում Brent տեսակի նավթի գինը կազմել է մեկ բարելի դիմաց 52,62 դոլար, իսկ WTI-ն՝ մինչև մեկ բարելի դիմաց 48,45 դոլար: Օգոստոսի 4-11-ը ԱՄՆ-ում նավթի պաշարները կրճատվել են 8,9 միլիոն բարելով՝ հասնելով մինչև 466,5 միլիոն բարելի:
Ավելի վաղ, ինչպես հայտնում է «Ռոյթերս»-ը, փորձագետները 3,06 միլիոնի նվազեցման կանխատեսում էին արել: