Սաուդյան Արաբիան կբացի Կատարի հետ սահմանը՝ ուխտագնացներին թույլ տալով այցելել Մեքքա, փոխանցում է BBC-ն: Կատարի քաղաքացիներն, ովքեր ցանկանում են մեկնել հաջի, կարող են անցնել Սալվայի սահմանը, որտեղ էլեկտրոնային թույլտվություն չի պահանջվում: Այս մասին ասվում է Սաուդյան Արաբիայի գործակալության հաղորդագրության մեջ: Նրանք նաև կարող են մեկնել Սաուդյան Արաբիայի օդանավակայաններից: Նշվում է, որ սա Կատարի հետ հարաբերությունները կարգավորելու՝ Սաուդյան Արաբիայի ղեկավարության առաջին փորձն է:
Հայտարարությունն արվել է երկու երկրների միջև հունիսին բարձր մակարդակով առաջին հանդիպումից հետո:
Ավելի վաղ արաբական մի շարք պետություններ Կատարին մեղադրել էին ահաբեկչությանը սատարելու համար: