ՌԴ Նովոսիբիրսկի շրջանի Սլադկոյե ոչ մեծ լիճը, սահմանի գծանշման աշխատանքների արդյունքում, ամբողջությամբ հայտնվել է Ղազախստանի տարածքում, հայտնում է РИА Новости-ն՝ հղում անելով ՌԴ ԱԴԾ սահմանային ստորաբաժանման ներկայացուցչին:
Նա նշել է, որ Ղազախստանի հետ սահմանային ճշգրտման աշխատանքներն սկսվել էին 2005-ին ու այդ հատվածում դրանք առաջին անգամ են իրականացվել: Տեղի բնակիչները հանգիստ են ընդունել տարածքը Ղազախստանին զիջելու լուրը:
Ավելի ուշ, արձագանքելով մամուլի հրապարակումներին, Ղազախստանի ԱԳՆ մամուլի խոսնակն ասել է, թե կոռեկտ չէ այն նվեր անվանել, քանի որ լճի մի մասն ի սկզբանե եղել է Ղազախստանի տարածքում, մյուս մասը՝ Ռուսաստանի: