Հյուսիսային Կորեայի առաջնորդ Կիմ Չեն Ինը հետաձգել է Գուամ կղզու ամերիկյան տարածքի ուղղությամբ հրթիռի արձակման ծրագիրը՝ որոշելով որոշ ժամանակ հետևել ԱՄՆ-ի գործողություններին, փոխանցում է Voice of America-ն:
Միևնույն ժամանակ, Վաշինգթոնը զգուշացրել է, որ Խաղաղ օվկիանոսում ամերիկյան տարածքի ուղղությամբ արձակված ցանկացած հրթիռ կոչնչացվի: Այդ մասին հայտարարել էր Պենտագոնի ղեկավար Ջեյմս Մեթիսը: Փհենյանի կողմից Գուամի ուղղությամբ հրթիռների արձակելու ծրագրերը անցած շաբաթ տարածաշրջանային լարվածության աճի հանգեցրին, երբ ԱՄՆ նախագահ Դոնալդ Թրամփն զգուշացրեց, որ Միացյալ Նահանգները կպատասխանեն Հյուսիսային Կորեայի ցանկացած սպառնալիքի:
Ավելի վաղ Հյուսիսային Կորեայի առաջնորդը զինորականներին կոչ էր արել պատրաստ լինել ցանկացած պահի հարված հասցնելուն: