Մոսկվայի «Արարատ»-ը հաստատել է, որ հետաքրքրված է «Անժի» ակումբի նախկին գլխավոր մարզիչ Ալեքսանդր Գրիգորյանի ծառայություններով, ով օրեր առաջ հրաժարական էր տվել այդ պաշտոնից: «Ակումբին, իրոք, հետաքրքրում է այդ մասնագետը: Նա արդեն այցելել է ակումբի գրասենյակ»,- «Արարատ»-ի փոխնախագահ Անդրանիկ Քերոբյանի խոսքերն է փոխանցում Чемпионат.com-ը: Լրատվամիջոցի տեղեկություններով՝ Ալեքսանդր Գրիգորյանը և «Արարատ»-ի նախագահ Վալերի Հովհաննիսյանը մեկնել են Ռիգա՝ բանակցելու: