Shamshyan.com-ի տեղեկություններով՝ այսօր՝ օգոստոսի 12-ին, ոստիկանները բերման են ենթարկել Վայոց Ձորի մարզի Արտավան գյուղի բնակիչ, 43-ամյա Կարեն Հակոբյանին: Աղբյուրի հաղորդմամբ վերջինս կասկածվում է անզգուշաբար Արտավան գյուղի անտառային տարածքում հրդեհ առաջացնելու մեջ: Ըստ տեղեկությունների՝ Կ. Հակոբյանը աշխատում է Վայոց Ձորի մարզում գործող հիդրոէլեկտրակայաններից մեկում:
Ավելի վաղ հայտնել էինք, որ Վայոց ձորի Արտավան գյուղում օգոստոսի 10-ից այրվում է խոտածածկ և անտառային տարածք: Հրդեհաշիջման աշխատանքները շարունակվում են մինչ այս պահը: