Ի՞նչ ենք ուտում, հագնում, դիտում

Եվրահանձնաժողովը որոշում է կայացրել սեպտեմբերի 26-ին արտահերթ հանդիպում նշանակելու մասին: Պատճառը ֆիպրոնիլով վարակված հավկիթների հետ կապված սկանդալն է: Միջատասպան այդ միջոցը հայտնաբերվել է 15 երկրների խանութների տաղավարներում՝ ինչպես ԵՄ տարածքում, այնպես էլ դրա սահմաններից դուրս:

4 երկրներում՝ Նիդեռլանդներում, Բելգիայում, Գերմանիայում և Ֆրանսիայում, փակվել են այն թռչնաֆաբրիկաները, որոնք կիրառում են ֆիպրոնիլ: Սակայն այդ արտադրամասերի արտադրանքն արդեն տարածվել է Շվեդիայում, Մեծ Բրիտանիայում, Իռլանդիայում, Ավստրիայում, Լյուքսեմբուրգում, Լեհաստանում, Ռումինիայում, Սլովակիանում, Սլովենիանում, Շվեյցարիայում և Հոնկոնգում:

Ներկա պահին հանդիպում կազմակերպել հնարավոր չէ, քանի որ Եվրահանձնաժողովի գրեթե բոլոր անդամները գտնվում են արձակուրդի մեջ: Նիդեռլանդներում երեկ՝ օգոստոսի 10-ին, ձերբակալել են 2 մարդու, ովքեր կասկածվում են թռչնաֆաբրիկաներում թունանյութերի ապօրինի կիրառման համար: